2019.02.11. 20:21

Türkiyənin İstanbul şəhərində hərbi helikopter qəzaya uğrayıb.

Axar.az xəbər verir ki, şəhərin Çəkməköy səmtində qəza baş verib.

Qəza yerinə çox sayda təcli yardım və yanğınsöndürən maşınlar cəlb edilib. Ölü və ya yaralılar barədə məlumat verilməyib.

***

Qəzaya uğrayan helikopter Çəkməköydə Ziyalılar məhləsində düşüb.

Hadisə ilə bağlı açıqlama verən bələdiyyə sədri İsmayıl Ərdəm qəza nəticəsində 1 əsgərin şəhid olduğunu, 4 əsgərin isə yaralandığını deyib.

İstanbul valisi Əli Yerliqaya helikopterin məcburi eniş edərkən qəzaya uğradığını bəyan edib.

***

İstanbul valisi Əli Yerliqaya son açıqlamasında 4 əsgərin şəhid olduğunu bəyan edib.

***

AKP sözçüsü Ömər Çelik helikopter qəzası ilə bağlı yerli mediaya açıqlama verib.

O, qəza ilə bağlı istintaqın başladıldığını, çoxtərəfli araşdırmaların aparılacağını bildirib.

***

Şəhid əsgərlərimizdən biri qəzadan öncə həyat yoldaşına zəng edərək helikopterdə nasazlığın olduğunu bildirib.

Bunu CHP-çi deputat Məhməd Akif Həmzəçebi Tvitter mikrobloqunda yazıb.

O, şəhid ailələrini ziyarət edən zaman belə bir məlumatı əldə etdiyini bildirib.