ABŞ Prezidenti Donald Tramp İrana təzyiq göstərərək müttəfiqlərinin etibarını təmin etməyə və Yaxın Şərq Strateji İttifaqını qurmağa çalışır, amma əli güclü deyil.

Axar.az xəbər verir ki, bunu türkiyəli siyasi ekspert Tariq Oğuzlu bildirib.

ABŞ üçün Türkiyənin əhəmiyyətindən danışan Oğuzlu Trampın Ankaranın tələblərini qəbul etməsinin çətin olduğunu bildirib.

"Rusiya, Çin, Türkiyə kimi ölkələrlə yanaşı, Qərbi Avropanın aparıcı ölkələri İran məsələsində ABŞ ilə eyni mövqedə deyil. Tramp rəhbərliyi bölgədəki digər müttəfiqlərinin gözündə etibarını itirib və keçmiş imicini yenidən qurmaq üçün Yaxın Şərq Strateji Alyansını yaratmağı hədəfləyir", - Oğuzlu qeyd edib.