Ana səhifə Planet |
Nəsli tükənən heyvanların siyahısında olan qara bəbir 100 il sonra fotoları çəkilib. Onun fotolarını Uill Berrard Lukas adlı fotoqraf çəkib. Bu növ bəbirin ən son görüntüsü 1909-cu ildə çəkilib.
Axar.az Musavat.com-a istinadən xəbər verir ki, fotolar Keniyada meşəlik bir ərazidə çəkilib. Onu digər bəbirlərdən fərqli edən tək şey rənginin qara olmasıdır. Rənginə görə gecələr onun yalnız gözlərini görmək mümkündür. Bu növ bəbir törəməsi genetik dəyişikliklər nəticəsində olur. Lakin bu, çox nadir görülə və tapıla bilən heyvan növüdür. Xüsusilə də onu vurğulamaq lazımdır ki, bu bəbirlər çox səssiz hərəkət edən və tənha yaşamağı bacaran heyvanlardır.
Bir əsrdir ki, fotoları çəkilə bilməyən bu bəbir növü yalnız Keniyada Laikipa adlı ərazidə mövcuddur.
Onun fotolarını çəkən fotoqraf bunları deyib: "Qara bəbirin Laikipa ərazisində görüldüyü barədə dedi-qoduları eşitməyə başladım. Hazırlaşıb Keniyaya, həmin əraziyə gəldim. Sözügedən ərazidə müxtəlif yerlərə fotoaparatlar yerləşdirdim. 5 gün o bəbirin gəlməsini gözlədim. Fotoaparatları toplayıb, yoxlama apardıqda gözlərimə inana bilmədim. Həmin bəbirin fotoları kameramda mövcud idi".
35 yaşlı fotoqraf onu da bildirib ki, bu qara bəbir fotosunu çəkmək onun gənclik arzusu imiş.
1909-cu ildə çəkilən sonuncu qara bəbirin fotosu Vaşinqtonda "Smithsonian" milli təbiət tarixi muzeyində sərgilənir.
Tarix
2019.02.17 / 16:56
|
Müəllif
Axar.az
|