12:02

Ukraynanın Donetsk şəhərində qondarma DXR-in iqamətgahı yaxınlığında 3 partlayış baş verib.

Axar.az xəbər verir ki, partlayışlardan ikisi ATƏT nümayəndə heyətinin qaldığı otelin yaxınlığında törədilib.

“3 partlayış baş verdi. Araşdırma aparılır”, - qondarma qurumdan bildirilib.

Separatçıların sözçüsü qeyd edib ki, iki partlayış ATƏT nümayəndə heyətinin qaldığı otelin təxminən bir neçə yüz metrliyində baş verib.

Ölən və yaralananlar barədə məlumat yoxdur.

***

Separatçı rejim nümayəndələri partlayışın Ukrayna ordusuna məxsus PUA-lar tərəfindən törədildiyini deyiblər.

“Ukrayna PUA-ları Donetskin mərkəzinə 3 kiçikölçülü bomba atdı”, - qondarma rejimdən bildirilib.