Əgər Sergey Skripalı bizə göstərmirlərsə, demək, o artıq çoxdandır ki, həyatda yoxdur.

Axar.az xəbər verir ki, bu sözləri Solsberi şəhərində zəhərlənən Rusiya Baş Kəşfiyyat İdarəsinin keçmiş zabiti Sergey Skripalın qardaşı qızı Viktoriya Skripal deyib.

Viktoriya Skripalın sözlərin görə, Britaniya mətbuatında polkovnikin vəziyyətinin pisləşməsi ilə bağlı yayılan xəbərlər artıq işin Sergey Skripalın ölümü və sübutların məhvinə doğru getdiyini göstərir.

“Hadisələr hələ bir il qabaq yazılan ssenariyə uyğun şəkildə inkişaf edir. Skripalları bizə göstərmirlər – nə sağlam, nə xəstə kimi... Əgər Sergeyi bizə göstərmirlərsə, demək, o ölüb”, - Viktoriya Skripal bildirib.

Qeyd edək ki, ötən ilin mart ayında Solsberi şəhərində Rusiya Baş Kəşfiyyat İdarəsinin keçmiş zabiti Sergey Skripal və qızını zəhərləyiblər. Böyük Britaniyada bu hadisə Rusiya tərəfindən həyata keçirilən sui-qəsd olaraq dəyərləndirilib.