Beynəlxalq Valyuta Fonduna olan borcumuz baş nazir olduğum dövrdə ödənildi.

Axar.az xəbər verir ki, bunu Türkiyə Prezidenti Rəcəb Tayyib Ərdoğan İspartada vətəndaşlarla keçirdiyi görüşdə bildirib.

"Son 17 ildə sizlərlə bərabər zəhmət çəkmişik. Gərgin mübarizələrdən, ağır imtahanlardan keçdik. İqtisadiyyatımızı 3,5 dəfə böyütdük, xarici ticarətimizi 170 milyard dollara çıxara bildik. Türkiyənin BVF-yə borcu 23,5 milyard dollar idi. O vaxtki BVF-nin rəhbəri ilə Davosda danışırıq. Dedim ki, Türkiyənin baş naziri mənəm, sən deyilsən. Sən aydan aya və ya hər il kredit alırsan. Sən durub Türkiyəni idarə edə bilməzsən, Türkiyəni mən idarə edirəm. Sağa-sola döndü. Borcu ödədik, işimiz bitdi", - Ərdoğan qeyd edib.