Daha yüksək divarlar inşa etmək, daha çox tikanlı məftillər çəkmək miqrasiya probleminin həlli yolu deyil.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Budapeştdə çıxışı zamanı deyib.

“Dünya miqyasında 260 milyon qaçqının olduğu məlumdur. Bu rəqəm aclıq, qıtlıq, iqtisadi problemlərdən, vətəndaş müharibələrindən, terror olaylarından dolayı hər keçən gün artır”, - deyə dövlət başçısı bildirib.

Ərdoğan eyni zamanda vurğulayıb ki, fələstinli miqrantlara verilən yardımları dayandırmaq qeyri-insani addımdır.

Türk lider onu da əlavə edib ki, varlılarla kasıblar arasında uçurum dərinləşdikcə miqrantlar hər zaman yeni yollar axtaracaq.