Ermənistanın eks-prezidenti Serj Sərkisyanın kiçik qardaşı Levon Sərkisyan ərəb ölkələrindən birində gizlənib.

Axar.az xəbər verir ki, bunu jurnalistlərə açıqlamasında Ermənistan Milli Təhlükəsizlik Xidmətinin rəhbəri Artur Vanetsyan deyib. O, Sərkisyanın dəqiq olaraq harada gizləndiyinin İrəvana məlum olduğunu bildirib:

“Levon Sərkisyan hazırda ərəb ölkələrindən birində yaşayır. Axtarışda olanların ekstradisiyası uzun və çətin prosesdir”.

Qeyd edək ki, Levon Sərkisyan 2018-ci ilin iyulunda axtarışa verilib.

Sərkisyan bundan öncə Ermənistanın Suriya, Tunis, İordaniya və Əlcəzair səfiri vəzifələrini icra edib.