2019.02.21 - 19:21

Suriyanın Afrin şəhərinin şimal-qərbində bomba quraşdırılmış avtomobillə terakt törədilib.

Axar.az xəbər verir ki, insanların sıx toplaşdığı ərazidə baş verən partlayış nəticəsində 1 nəfər ölüb, 10-u isə yaralanıb.

Ölü sayının artacağı istisna edilmir.

İlkin məlumata görə, qanlı olay YPG/PKK qruplaşması tərəfindən təşkil edilib.

***

Dey əz-Zor vilayətində də bomba quraşdırılmış avtomobilin partladılması nəticəsində 15 nəfər ölüb.

Partlayışın baş verdiyi ərazinin Suriya Demokratik Qüvvələrinin (SDQ) nəzarətində olduğu deyilib.

***

Suriyanın Cerablus vilayətinin cənub-qərbində yerləşən Qandura mahalında da avtomobil partladılıb.

Partlayış nəticəsində ölən və yaralananların olduğu bildirilib. İçində bomba quraşdırılan avtomobilin YPG/PKK-nın nəzarətində olan Menbiçdən gəldiyi deyilib.