Sülh prosesi sürətlə gedir. Bu bizə Əfqanıstanda sülhün həqiqətən kompleks şəkildə inkişaf edəcəyinə ümid verir.

Axar.az xəbər verir ki, bu sözləri Rusiya Xarici İşlər Nazirliyinin Asiya üzrə ikinci departamentinin rəhbəri Zamir Kabulov deyib.

"Asan olmayacaq. Bizim üçün prosesin sabit bir şəkildə sarsılmayacaq bir yola daxil olması mühümdür. Demək asandır, etmək isə çətin. ABŞ-ın Əfqanıstandakı 14 min əsgəri geri çəkilsə, vəziyyət əhəmiyyətli dərəcədə dəyişəcək", - Kabulov söyləyib.

Qeyd edək ki, ABŞ ordusu 2001-ci ildən Əfqanıstandadır. Prezident Tramp Talibanla aparılan danışıqların müsbət nəticə verəcəyi təqdirdə bu ölkədəki 14 minlik hərbi kontingentin 7 mininin çıxarılacağını açıqlayıb.