"Açıq Səma" razılaşması çərçivəsində ABŞ Hərbi Hava Qüvvələrinə aid təyyarənin fevralın 18-də Rusiya səmalarında başlatdığı müşahidə uçuşu bu gün başa çatır.

Axar.az xəbər verir ki, bu barədə Rusiya Müdafiə Nazirliyi məlumat yayıb. “Pleynradar” portalı "Boinq OC-135B" tipli təyyarənin Rusiyanın Sibir bölgəsində Çita şəhərinin səmasında uçarkən qeydə alındığını yazıb. Rusiya MN sözügedən təyyarənin rus təmsilçilər tərəfindən ciddi şəkildə diqqətdə saxlanıldığını bildirib.

Qeyd edək ki, "Açıq Səma" razılaşması 1992-ci ildə Helsinkidə Şərq və Qərb blokları arasında imzalanıb. Bu saziş çərçivəsində havadan müşahidə uçuşları həyata keçirilir.