2017-ci ilin yanvarından indiyə qədər Rusiyada prezident institutunun cəmiyyətdə populyarlığı 4,7 baldan 4,2 bala qədər azalıb.

Axar.az xəbər verir ki, bu nəticə “Levada Çentr” şirkətinin keçirdiyi sorğudan sonra orta çıxıb. Məlumata görə, prezidentlik institutunun cəmiyyətdə təsirinin azalmasına rəğmən, o hələ də rusiyalılar üçün ən nüfuzlu institutut olaraq qalmaqda davam edir.

Rusiyalılar üçün ən nüfuzlu orqanlar arasında ordu ikinci yerdə (4,1 bal), FTX isə üçüncü yerdə (3,8 bal) qərarlaşıb. Cəmiyyətdə populyarlıq baxımından sonrakı yerləri Prezident Administrasiyası, hökumət, oliqarxlar, bankirlər və KİV tutub.

Ruslar həmçinin cəmiyyətə ən az siyasi partiyaların, qeyri-hökumət təşkilatlarının və həmkarlar ittifaqlarının təsir etdiyini bildiriblər.