ABŞ Müdafiə Nazirliyinin Perspektiv Araşdırma Layihələri İdarəsi (DAPRA) döyüş meydanında taktiki tunellərdən istifadə edilməsini təklif edib.

Axar.az xəbər verir ki, bu barədə “Nəşnl İnterest” informasiya yayıb.

Nəşrin yazdıqlarına görə, bu cür qurğular uzun müddət ABŞ ordusunun II Dünya müharibəsində İvodzimu uğrunda döyüşlərdə, Vyetnamda, həmçinin İŞİD yaraqlıları ilə döyüşlərdə başağrısına çevrilib.

DAPRA mütəxəssislərinin fikrincə, ABŞ əsgərləri bu təcrübədən döyüş meydanında üstünlük əldə etmək üçün istifadə edə bilər. Ancaq hərbi qulluqçular bu cür bacarıqlara sahib deyil.

“Hərbi ixtisasların heç biri taktiki tunellərin tikintisi üçün təlim nəzərdə tutmur və tunellərin inşasına və istifadəsinə imkan verəcək heç bir texnologiya və ya avadanlıq yoxdur”, - məqalədə deyilir.

DAPRA-nın təklif etdiyi proqramın ilkin mərhələsi üçün 11 milyon dollar ayrılacaq. Burada qazma üsullarının və texniki xarakteristikalı tunel tikintisinin qiymətləndirilməsi nəzərdə tutulur.