ABŞ Prezidenti Donald Tramp Türkiyəni Ümumiləşdirilmiş Preferensiyalar Sistemi Proqramından çıxarmaq istədiyini açıqlayıb.

Axar.az xəbər verir ki, Tramp buna səbəb kimi Türkiyənin inkişaf etmiş iqtisadiyyata sahib olmasını göstərib.

Məlumata görə, Tramp məktubda Türkiyə iqtisadiyyatının bir çox göstəricilərinə görə inkişaf etmiş dövlətlərin iqtisadiyyatına yaxın olduğunu və bu səbəbdən proqramdan çıxarılmasını təklif etdiyini yazıb. Bundan əlavə Tramp həmçinin Hindistanın da sözügedən proqramdan çıxarılmasını tələb edib.

Qeyd edək ki, 1974-cü ildə qüvvəyə minən Ümumiləşdirilmiş Preferensiyalar Sistemi Proqramı aralarında Türkiyənin də olduğu 131 inkişaf etməkdə olan ölkəyə ümumilikdə 3474 adda məhsulun ABŞ bazarına gömrüksüz giriş imkanı verirdi.