Çin ABŞ-la Yaxın Şərqdəki müttəfiqləri, o cümlədən İsrail arasında münasibətləri gərginləşdirir.

Axar.az xəbər verir ki, bu barədə “Die Velt” məqalə yayıb. İddia olunub ki, Çin İsraillə münasibətlərini sürətlə inkişaf etdirir, bu isə Vaşinqtonda narahatlıq yaradır.

“İsrail Amerikanın Yaxın Şərqdəki vacib müttəfiqidir. Bununla belə Çin ABŞ-dan sonra İsrailin ikinci vacib ticarət tərəfdaşıdır, İsrail Çinə ən böyük silah tədarükçülərindən biridir. Vaşinqton Cin-İsrail münasibətlərinin inkişafını narahatlıqla izləyir və artıq indidən İsraili təhdid etməyə başlayıb. ABŞ tezliklə Çinin onu İsaillə əməkdaşlıqda üstələyəcəyindən narahatdır. Əgər ABŞ İsrailin vacib xarici tərəfdaşları siyahısında ikinci yerə düşsə, bu, bütün regionda özünün ciddi təsirini göstərəcək”, - məqalədə bildirilib.