Hindistan və Pakistan arasındakı münasibətlərdə yaranmış gərginlik azalır.

Axar.az xəbər verir ki, bu sözləri Pakistanın Xarici İşlər naziri Şah Mahmud Qüreyşi deyib.

Onun sözlərinə görə, ölkə rəhbərliyi Pakistanın Hindistan səfirinin Nyu Dehliyə qayıtmasına qərar verib.

“Bu, müsbət dəyişiklikdir”, - nazir bildirib.

Nazir bundan əlavə hind zəvvarların qonşu ölkəyə vizasız gedişinə imkan yaradacaq Kartarpur koridorunun açılması perspektivlərini müzakirə etmək üçün Pakistan nümayəndə heyətinin yaxın vaxtlarda Hindistana səfər edəcəyini vurğulayıb.

Qeyd edək ki, Pakistan bundan öncə əsir götürülən hind pilotu geri qaytarmışdı.