Keçmiş baş nazir İrakli Qaribaşvilinin yenidən Gürcü Arzusu Partiyasına qaytarılmasına ən çox rusiyayönlü Vətənpərlər Alyansı Partiyası sevinməlidir.

Axar.az xəbər verir ki, bunu jurnalistlərə açıqlamasında Gürcüstan parlamentinin eks-spikeri David Usupaşvili deyib.

“Qaribaşvilinin geri qayıtmasını bayram edəcək əsas şəxs İrma İnaşvili və əsas partiya Vətənpərvərlər Alyansı Partiyasıdır. Bu qərar sayəsində Gürcü Arzusu Partiyası ilə Vətənpərvərlər Alyansı Partiyası arasında ittifaq yaradılması imkanları güclənib. İvanişvili özünün qələbə xarakterli idarəetməsini praktik olaraq İrma İnaşviliyə təhvil verir”, – deyə o bildirib.

Qeyd edək ki, Qaribaşvili bundan öncə Gürcü Arzusu Partiyasının siyasi katibi təyin edilib. Onun bu vəzifəyə gətirilməsi müxalifətin kəskin tənqidinə səbəb olub.