Rusiya hökuməti 2018-ci ildə Ermənistanda baş verən inqilabın əsas təşkilatçılarından birinin o zamankı Ermənistan hökuməti olduğunu düşünür.

Axar.az xəbər verir ki, bu məlumatı “Qraparak” qəzeti yayıb.

“Artıq bir ildir ki, keçmiş hökumət rusiyalı tərəfdaşlarını günahsız olduğuna və Nikol Paşinyanın hakimiyyətə gəlməsinə yardım etmədiyinə inandırmağa cəhd edir. Erməni xadimlərindən biri qəzetimizə açıqlamasında bildirdi ki, Putin Serj Sərkisyanla söhbəti zamanı istefadan əvvəl onu niyə xəbərdar etmədiyi barədə şikayətini dilə gətirib. Elementar etika əvvəlcə zəng edib, sonra istefa mətnini yazmağı tələb edirdi”, - qəzetdə bildirilib.