Dünyanın 200-dən çox şirkəti 2 il ərzində İrana bağlı olan hakerlərin hücumlarına məruz qalıb.

Axar.az xəbər verir ki, bu məlumat “Maykrosoft” korporasiyasının apardığı tədqiqatdan sonra ortaya çıxıb. Haker hücumlarının daha çox neft-qaz şirkətlərinə, maşınqayırma müəssisələrinə, beynəlxalq bizneslə məşğul olan konsernlərə edildiyi vurğulanıb.

Hücuma məruz qalan şirkətlərin daha çox Almaniya, Səudiyyə Ərəbistanı, Britaniya, Hindistan və ABŞ-da yerləşdiyi bildirilib. Korporasiya kiberhücumlar nəticəsində kompaniyalara yüz milyon dollardan çox zərərin vurulduğunu açıqlayıb.

“Maykrosoft” hücumların əsasən, İrana bağlı “Holmium” qruplaşması tərəfindən gerçəkləşdiyini qeyd edib.

“Holmium”la bərabər kiberhücumlarda “APT33” qruplaşması da iştirak edib.