Şübhəsiz ki, Türkiyə və Rusiya arasında hərbi-texniki əməkdaşlıq müəyyən razılaşmalar çərçivəsində həyata keçirilir.

Axar.az xəbər verir ki, bu sözləri rusiyalı deputat Yuri Şvitkin deyib. O bildirib ki, əməkdaşlıq qarşılıqlı mənfəətlərə söykənir:

“ABŞ hərbi-texniki sahədə hər cür rəqabət aparır. Lakin S-400, eləcə də gələcəkdə bazara çıxarılacaq S-500 ABŞ-dakı analoqlarından çox üstündür”.

Şvitkin həmçinin qeyd edib ki, Türkiyəyə tədarük ediləcək S-400 tamamilə müdafiə məqsədlidir və heç kimi hədəf almır.

Qeyd edək ki, Türkiyə lideri Rəcəb Tayyib Ərdoğan S-400-lə bağlı məsələnin artıq bitdiyini, gələcəkdə S-500-lərin birgə istehsalını istisna etməmişdi.