Gürcüstanın Milli Statistika Xidməti 2018-ci ilin iqtisadi göstəriciləri barədə hesabat yayıb. Hesabata əsasən ölkəyə qoyulan xarici investisiyaların həcmi 1 milyard 200 milyon dollardan artıq olub.

Axar.az xəbər verir ki, bu barədə Ermənistanın “Jamanak” nəşri yazıb.

“Gəlin, bu göstərici üzrə Gürcüstanın Ermənistanı 5 dəfə qabaqlaması faktını bir kənara qoyaq. Ötən il təkcə Rusiya tərəfinin Gürcüstan iqtisadiyyatına qoyulan investisiyanın həcmi 60 milyon dollardan artıqdır ki, bu da Rusiyanın Ermənistan iqtisadiyyatına yatırdığı investisiyadan müqayisə olunmaz dərəcədə çoxdur. Baxmayaraq ki, Rusiya ilə Gürcüstan arasında diplomatik əlaqələr yoxdur və ölkələr faktiki olaraq müharibə vəziyyətindədir”, - nəşr yazıb.