Ana səhifə Planet |
2019.03.13 - 20:42
Avropa Birliyinə üzvlüklə bağlı Türkiyə ilə aparılan danışıqlar təxirə salınıb.
Axar.az xəbər verir ki, bu barədə Avropa Parlamenti qərar qəbul edib.
Danışıqların hansı müddətə təxirə salındığı barədə məlumat verilməyib.
***
Türkiyənin Avropa İttifaqında iştirak prosesinə dəstək verəcəyik.
Bu açıqlama ilə Rumıniyanın Ankaradakı səfiri Qabriel Şopanda çıxış edib. Şopanda ölkəsinin hər zaman Türkiyəni AB-nin rəsmi və qeyri-rəsmi toplantılarına dəvət etdiyini bildirib:
"Səsvermə Avropadakı siyasi ayrı-seçkiliyin nəticəsidir. AP-dəki adamlar öz siyasi mövqelərini əks etdirir. Biz də AP-dəki müzakirələri izləyirik. Bu, AP-nin ortaya qoyduğu bir mövqedir".
***
Ölkəmiz və Avropa Birliyi arasındakı münasibətləri yenidən canlandırmaq üçün birgə səylərimizi artırdığımız vaxtda, eləcə də Türkiyədəki 15 iyul çevrilişindən sonra islahat prosesini yenilədiyimiz bir ərəfədə Avropa Parlamenti tərəfindən birtərəfli və obyektivlikdən uzaq qərar verilməsinə hər hansı bir dəyər verilməsi mümkün deyil.
Bu barədə Türkiyə Xarici İşlər Nazirliyindən bəyanat yayımlanıb.
XİN-in bəyanatında bildirilir ki, sözügedən qərar Türkiyə üçün heç bir məna daşımır:
"Qərəzli və ədalətsiz qərarların AP seçkiləri prosesində, xüsusilə ölkəmizdə keçiriləcək yerli seçkilər ərəfəsində və Türkiyə ilə AB arasında təxminən dörd illik fasilədən sonra baş tutacaq Tərəfdaşlıq Şurasının iclasından öncə qəbul edilməsi seçki mədəniyyətinə ziddir. Bu cəhdlər AP-nin təmsil etdiyi dəyərlərə uyğun gəlmir".
Tarix
2019.03.14 / 00:01
|
Müəllif
Kamran Ədalət
|