Ana səhifə Planet |
BMT Efiopiyada baş vermiş təyyarə qəzasında 21 əməkdaşının həyatını itirməsi səbəbindən bütün işçilərə “Boinq 737 MAKS” tipli təyyarələrlə səyahət etməmək təlimatı verib.
Axar.az xəbər verir ki, bu barədə BMT baş katibinin sözçüsü Stefan Düjarrik danışıb.
“BMT əməkdaşlarına Efiopiyada qəzaya uğrayan təyyərə ilə eyni tip təyyarələrlə səyahət etməmələrinə dair təlimatlar göndərilib”, - Düjarrik bildirib.
BMT baş katibinin sözçüsü bu qərarın standart təhlükəsizlik tədbiri olduğunu vurğulayıb.
Qeyd edək ki, Efiopiyadan Keniya istiqamətində uçan “Boinq 737 MAKS” tipli təyyarənin qəzaya uğraması nəticəsində 157 nəfər həlak olub. Sözügedən təyyarələrin son 5 ay ərzində ikinci dəfə qəzaya düşməsi dünyanın 40-dan artıq ölkəsinin bu modellərdən imtinasına gətirib çıxarıb.
Ötən gün isə “Boinq” şirkəti bu model təyyarələrin istehsalını dayandırdığını açıqlayıb.
Tarix
2019.03.15 / 14:42
|
Müəllif
Orxan Tağıyev
|