Ana səhifə Planet |
Slovakiyada qarşıdan gələn prezident seçkilərində qərbyönümlü namizədin qələbə çalması mütləqdir. Avropanın daha bir ölkəsi Moskvanın təsirindən çıxır.
Axar.az xəbər verir ki, “Soyuq müharibə” Teleqram kanalı Kremlin xarici siyasətdə növbəti dəfə ağır itki verməsi barədə yazıb.
Kanal “Slovakiya Rusiyaya şans vermədi” başlığı ilə seçki prosesinə münasibət bildirib.
“30 martda növbəti prezident seçkiləri keçiriləcək. Bütün sorğular qərbyönlü namizədlərdən birinin qələbə qazanacağını göstərir. Sorğuların nəticələrinə görə, prezident seçkilərinin ikinci turuna müxalifətin namizədi Zuzana Çaputova və Avropa Komissiyasının vitse-prezidenti Maroş Şefçoviç çıxacaq. Namizədlərdən heç biri təcavüzkar Putin rejiminə loyallığı ilə seçilmir. Çox güman prezident postu Çaputovaya qismət olacaq”, - məqalədə bildirilib.
Qeyd edək ki, ötən gün keçirilən seçkilərin ilk turunun nəticələrinə görə, Zuzana Çaputova 40.57 faiz səslə rəqibi Maroş Şefçoviçi (18.66 faiz) geridə qoyub.
Tarix
2019.03.18 / 08:45
|
Müəllif
Orxan Tağıyev
|