Ana səhifə Planet |
Türkiyənin yalnız Yeni Zelandiyada deyil, Suriya, Fələstin və digər ölkələrdə də islam dünyasının lideri olduğu qabarıq şəkildə hiss edilir.
Axar.az xəbər verir ki, bu sözləri Türkiyə Prezidentinin köməkçisi Fuad Oqtay və XİN rəhbəri Mövlud Çavuşoğlunun Yeni Zelandiyaya səfərini şərh edən rusiyalı siyasi ekspert Boris Dolqov bildirib.
"Türkiyənin Yeni Zelandiyaya dəstək verməsi həqiqətən də çox nəcib və müsbət bir addım idi. Türkiyə rəhbərliyi hücumdan zərər çəkənlərə dəstək oldu və bir tərəfdən başsağlığı verdi, digər tərəfdən də bu və ya digər şəkildə islamofobiyaya şiddətlə qarşı çıxdı. Türkiyə yüksək səviyyədə Yeni Zelandiya xalqına və bütün müsəlmanlara dəstəyini göstərdi, çünki bu, bütün islam dünyasına vurulan bir zərbə idi", - Dolqov vurğulayıb.
Qeyd edək ki, teraktdan dərhal sonra Türkiyənin Xarici İşlər naziri Mövlud Çavuşoğlu və Prezidentin köməkçisi Fuad Oqtay Yeni Zelandiyanın Kraystçerç şəhərinə səfər edib.
Tarix
2019.03.19 / 08:00
|
Müəllif
Pərviz Həsənov
|