Rusiya lideri Vladimir Putin Qasım-Jomart Tokayevə Qazaxıstanda prezident səlahiyyətlərinin icrasına başlamasından dolayı təbrik teleqramı ünvanlayıb.

Axar.az xəbər verir ki, bu barədə Kremlin məlumatında deyilib.

Kreml rəhbəri təbrikində qarşılıqlı səylər nəticəsində iki ölkə arasında əməkdaşlığın daha güclənəcəyinə inamını ifadə edib:

“Rusiyada, dövlətlərimiz arasında strateji tərəfdaşlıq və ittifaqların gücləndirilməsinə, Avrasiya məkanında inteqrasiya proseslərinin təşviqinə böyük şəxsi töhfə verən təcrübəli dövlət xadimi kimi tanınırsınız”.

Putin həmçinin Rusiya-Qazaxıstan əməkdaşlığının bütün sahələr üzrə aktual problemlərin həllində önəmli rol oynayacağına əminliyini ifadə edib.

Qeyd edək ki, dünən Nursultan Nazarbayevin istefasından sonra prezident səlahiyyətlərinin icrası Senatın sədri Tokayeva keçib. O, 2020-ci ildə keçirilməsi gözlənilən prezident seçkilərinə qədər ölkəyə rəhbərlik edəcək.