Pakistan xəzinəyə daxil olan gəlirləri artırmaq üçün bəzi nazirliklərin və nazirliyə tabe olan qurumların binalarını satmaq qərarına gəlib.

Axar.az xəbər verir ki, bu barədə məlumatı Pakistanın İnformasiya naziri Favad Çaudri verib.

O bildirib ki, Baş nazir İmran Xanın başçılığı ilə keçirilən nazirlərin iclasında bütün nazirliklərin daşınmaz əmlakları ilə bağlı siyahı istənilib.

Xanın tələb etdiyi siyahının bugünki iclasda müzakirə olunduğunu bildirən Çaudri, "Hökumət istifadə edilməyən binalarını satmaq üçün əvvəlcə ortaq siyasət yürütməlidir. Çünki hər nazirliyin bu satışları qadağan edən özünəməxsus siyasəti var", - deyə vurğulayıb.

Binaların satışından trilyonlarla Pakistan rupisi əldə ediləcəyini qeyd edən Favad satış üçün 4 nazirdən ibarət komitə qurulmasına qərar verildiyini bildirib.