Qazaxıstanın paytaxtı Astananın adının dəyişdirilməsi qarşıdurmalara səbəb olub.

Axar.az xəbər verir ki, Astana meriyası yaxınlığında yeni adın tərəfdarları və əleyhdarları arasında baş verən davanın qarşısı hüquq-mühafizə orqanlarının müdaxiləsi ilə alınıb.

Hadisə nəticəsində 20-ə yaxın insan saxlanılıb.

Qeyd edək k, Qazaxıstan Prezidenti Nursultan Nazarbayevin istefasından sonra prezident səlahiyyətlərini həyata keçirən spiker Qasım-Jomart Tokayev ölkənin paytaxtı Astananın adının dəyişdirilərək, "Nursultan" qoyulmasını təklif edib.

Qazaxıstan parlamentinin Aşağı və Yuxarı palatalarının birgə iclasında paytaxt Astana şəhərinin Nursultan adlandırılması barədə qanun layihəsi qəbul edilib. Bundan sonra Astana rəsmi olaraq Nursultan adını alıb.