Bu gün göyərtəsində partlayıcı qurğu olması barədə məlumatın daxil olduğu “Singapore Airlines” şirkətinə məxsus təyyarə təcili Çanqi hava limanına enib.

Axar.az xəbər verir ki, göyərtəsində 263 nəfər sərnişin olan və Mumabaydan gələn “Boinq 777-300ER” təyyarəsi havaya qalxdıqdan dərhal sonra göyərtəsində bomba olması barədə məlumat daxil olub. Sinqapur hərbi-hava qüvvələrinin iki qırıcısının müşayiəti ilə Çanqi hava limanına endirilən təyyarədə yoxlamalar aparılıb. Uşaqlı qadın yoxlamanın davam etdirilməsi üçün saxlanılıb, qalan sərnişinlər isə əlavə yoxlamadan sonra sərbəst buraxılıb.

İlkin məlumatlara görə, partladıcı qurğunun olması barədə məlumatın yalan olduğu bildirilir.