"Artıq Merkelin ikili standartları nəticəsində Avropada yeni soyuq müharibə yaranıb".

Axar.az xəbər verir ki, bu açıqlama ilə Alman parlamentinin Sol fraksiyasının rəhbər müavini Sara Vaqenknext çıxış edib. O, hökuməti Rusiyaya qarşı sanksiyaları ləğv etməyə və Ukrayna hakimiyyət orqanları ilə əlaqə qurmamağa çağırıb. Alman millət vəkili Merkelin Rusiya siyasətini kəskin tənqid edib və onu ABŞ-ın sifarişini yerinə yetirməkdə günahlandırıb:

"Siz bu siyasətinizlə qazandığınız bütün inamı itirirsiniz. Artıq Merkelin ikili standartları nəticəsində Avropada yeni soyuq müharibə yaranıb. Bu təhlükə hər tərəfə yayılır. Çünki sizin ABŞ hökuməti ilə üzləşmək üçün cəsarətiniz yoxdur. Bizim vətəndaşlarımız ən yaxşı siyasətə layiqdirlər. Hətta bütün qonşuları ilə yaxşı əlaqələri olmalıdır. Rusiyaya qarşı sanksiyaları ləğv edin və yanğın ilə oynamayın!"