Almaniyada yaşayan Hohnoe Kralı Cephas Bansahın 4 tacı oğurlanıb.

Axar.az xəbər verir ki, İngiltərənin "Tayms" qəzetinə hadisə ilə bağlı açıqlama verən kral oğruların evin birinci mərtəbəsinə daxil olaraq tacları oğurladığını deyib:

"Oğrular evin birinci mərtəbəsində 4 tacımı oğurlayıb aradan çıxıblar. Evimə girib şkafları qıraraq hər şeyi aparıblar".

66 yaşlı kral taclarının maddi dəyərinin 20 min avro, mənəvi dəyərinin isə "ölçülməz" olduğunu deyib.

Xatırladaq ki, Qərbi Afrikada yerləşən Qana Respublikasının daxilində Hohnoe bölgəsinin Kralı Cephas Bansah almaniyalı həyat yoldaşı Qabriele ilə Frankfurt şəhəri yaxınlığındakı Lüdviqshafen şəhərində yaşayır.

İnternet üzərindən Skayp sosial şəbəkəsi vasitəsi ilə 200 min əhalisi olan vilayəti idarə edən 66 yaşlı kralın şəhərdə bir qaraj kirayələyib dolandığı deyilir.