Afrikanın Eritreya ölkəsindən Böyük Brinaniyaya gələn immiqrantların marşrut xətti hazırlanıb.

Axar.az BBC-yə istinadən xəbər verir ki, afrikalılar Aralıq dənizi vasitəsi ilə İtaliyanın Siciliya adasına, oradan isə Avropanın bir çox ölkələrinə, o cümlədən Böyük Britaniyaya gəlir.

Öz ölkələrində böyük təzyiqlərə, həbslərə məruz qalan insanların baş götürüb qaçdığını bildirən telekanal Şimali Afrikada siyasi vəziyyətin acınacaqlı olmasını və bunun nəticəsində Avropanı böyük qaçqın ordusu gözlədiyini bildirib.

Əsas immiqrantların 17-30 yaşlarında olduğu bildirilən məqalədə qadın və uşaqların çoxluq təşkil etdiyi deyilir.

Xatırladaq ki, cari ildə Afrikadan Avropaya gələn immiqrantların sayının 100 mini ötdüyü təxmin edilir.