“Rossiya-1” telekanalının adı açıqlanmayan 2 əməkdaşına Estoniya ərazisinə giriş qadağan olunub.

Axar.az xəbər verir ki, buna səbəb jurnalistlərin “Yeqova şahidləri” (Rusiyada qadağan olunub) təşkilatı barədə hazırladıqları süjet olub. Bu barədə Estoniyanın ictimai kanalı ölkənin təhlükəsizlik orqanlarına istinadla məlumat yayıb.

Polisin məlumatına əsasən, iki jurnalist Estoniya və Finlandiyaya gələrək burada qadağan olunmuş təşkilatın fəaliyyətini araşdırıblar. Qeyd edək ki, “Yeqova şahidləri”nin böyük bir hissəsi Rusiyada qadağan olunandan sonra Avropa ölkələrinə köçüb. Jurnalistlər gizli kameralarla onların Tallindəki cəmiyyətlərində çəkiliş ediblər. Eston qanunvericiliyinə görə isə bu, insan haqlarının pozulması deməkdir.

Hər iki jurnalist ümumilikdə beş il müddətinə Şengen ərazisinə girişdən məhrum olub.

Qeyd edək ki, 2017-ci ildə rəsmi surətdə qadağan olunan “Yeqova şahidləri”nin Rusiyada 175 min üzvü var.