Feysbuk şirkətinin səhmdarları kompaniya səhmdarlarının illik toplantısı zamanı Mark Zukerberqin direktorlar şurasının sədri vəzifəsindən uzaqlaşdırılması və şirkətdə struktur dəyişikliklərinin aparılması məsələlərini müzakirə edəcək.

Axar.az xəbər verir ki, bu barədə “Biznes İnsayder” nəşri yazıb.

Məlumata görə, kompaniya artıq qiymətli kağızlar və birja üzrə komissiyanı 30 mayda illik toplantının keçiriləcəyi barədə xəbərdar edib.

Toplantı zamanı Mark Zukerberqin vəzifədən kənarlaşdırılması məsələsinin səsə qoyulması istisna edilmir. Lakin ekspertlərin fikrincə bu, heç də inandırıcı görünmür. Belə ki, Zukerberq təkbaşına səsvermə hüququna sahib səhmlərin 50 faizindən artığına sahibdir.