ABŞ Konqresinin ilk hicablı vəkili Somali əsilli İlhan Omar 11 sentyabr hadisələri ilə bağlı fikirlərinə görə Donald Trampın sərt tənqidinə tuş gəlməsindən sonra ölümlə təhdid edilib.

Axar.az xəbər verir ki, bu barədə ABŞ mətbuatı yazıb.

“Radikal sağçıların, millətçilərin zorakılıqları və digər nifrət xarakterli əməlləri ölkə və dünya miqyasında artmaqdadır. Onların ölkədə ən yüksək vəzifədə əyləşən şəxs tərəfindən cəsarətləndirildiklərini inkar edə bilmərik”, - Omar bildirib.

Qeyd edək ki, Tramp Omarın çıxışından bir hissə ilə əkiz qüllələrin vurulma anının montajlanmış görüntülərini paylaşaraq “Əsla unutmayacağıq” sözlərini yazıb.

İlhan Omar 11 sentyabr hadisələrini düzgün qiymətləndirə bilməməkdə ittiham olunur.