ABŞ Prezidenti Donald Tramp sentyabrın 1-də Varşavaya səfər edə və burada Pentaqonun hərbi mövcudluğunun genişləndirildiyini elan edə bilər.

Axar.az xəbər verir ki, bu məlumatı “Rzeczpospolita” qəzeti yayıb. Məlumata görə, əgər liderlər ilkin razılaşma əldə etsələr, Tramp üçün ABŞ-ın Polşadakı hərbi təşəbbüsünü elan etməsiylə bağlı yaranan maneə yox olacaq.

Qeyd edək ki, sentyabrın 1-də Polşada II Dünya Müharibəsinin başlanmasının 80 illiyi ilə əlaqədar tədbir keçiriləcək. Polşa tədbirə AB və NATO ölkələrini dəvət etsə də, Rusiyaya dəvət göndərməyib.

Polşa bundan öncə ABŞ-a öz ərazisində daimi əsaslarla qoşun yerləşdirilməsini təklif edib. Varşava ABŞ-ın buna razılıq verəcəyi təqdirdə bütün xərcləri üzərinə götürəcəyini bildirib. Üstəlik, Polşa prezidenti bazanın “Fort Tramp” adlandırılmasını təklif edib.

Hazırda Polşada təxmin 4,5 min ABŞ hərbçisi var.