“Rosatom” dövlət korporasiyası Türkiyədəki “Akkuyu” atom elektrik stansiyasının tikinti layihəsindəki 49%-lik səhmlərini satmaq üçün dövlət və özəl investorlarla danışıqlar aparır.

Axar.az xəbər verir ki, bunu jurnalistlərə açıqlamasında “Rosatom”un rəhbəri Aleksey Lixaçev deyib.

O, satış işlərində korporasiyanın tələsmək niyyətində olmadığını deyib.

Qeyd edək ki, 2017-ci ildə “Rosatom” AES-in tikinti layihəsində səhmlərinin 29%-ni “Cengiz-Kolin-Kalyon” konsorsiumuna satmağa razılıq verdiyi haqda məlumat yayılmışdı. 2018-ci ildə isə “Kolin” və “Kalyon” şirkətlərinin səhmləri almaqla bağlı danışıqları dayandırdığı müəyyən edilmişdi.