Argentina məhkəməsi Feysbuk sosial şəbəkəsini yanğın xidmətinin əməkdaşına 1 milyon peso (17 min dollardan çox) ödəməyə təhkim edib.

Axar.az RİA Novosti-yə istinadən bildirir ki, argentinalı bu sosial şəbəkədə daima təhqir olunurmuş.

Adı açıqlanmayan zərərçəkən 2013-cü ilin aprelində sosial şəbəkədən onun ünvanına daim təhqir göndərən naməlum şəxslərin profilini bağlamağı tələb edib. Lakin bu tələb yerinə yetirilməyib. Bundan sonra vətəndaş məsələləri üzrə hakim Karlos Kadyerno şirkəti yanğınsöndürənə kompensasiya, həmçinin 50 min (5,8 min dollar) peso cərimə ödəməyə məhkum edib.

Yanğınsöndürənin vəkili Esekyel Sabale deyib ki, mənim müvəkkilim ümumun mənafeyi naminə xeyirxah bir işlə məşğuldur. Rəhbərliklə aralarında yaşanan fikir ayrılığından sonra onun tanımadığı adlarla qeyd olunmuş ünvanlardan təhqirlər gəlməyə başlayıb.

Vəkilin sözlərinə görə, cərimənin ödənilməsi haqqında bildiriş Argentinadakı Feysbuka, eləcə də ABŞ-dakı mənzil-qərargaha göndərib. Şirkət məhkəmənin qərarından şikayət verə bilər.