Ana səhifə Planet |
ABŞ və Türkiyənin Suriyanın şimalında Türkiyə xüsusi təyinatlılarının yerləşdirilməsi ilə bağlı razılaşdıqları iddia edilir.
Axar.az xəbər verir ki, bu barədə "Vaşinqton Post" qəzeti
məlumat yayıb.
"Vol Strit" (Wall Street) jurnalı da Suriya-Türkiyə sərhədində
təhlükəsiz bölgə (neytral ərazi) iddialarına yer ayırıb. Verilən
məlumatda Türkiyə xüsusi təyinatlılarının regiona yerləşəcəyi qeyd
edilir.
Vaşinqton və Ankaranın Suriya-Türkiyə sərhədində kiçik bir
təhlükəsiz zona yaradılması barədə sazişə razılıq verdiyi, iki
tərəfin də bölgədə "uçuşa qadağa" fikrindən imtina etdiyi
vurğulanır. Ancaq sərhəddə yaradılacaq etibarlı bir bölgədə
İncirlik bazasından təyyarələrin patrul uçuşu edəcəyi barədə
fikirlər səsləndirilir.
Xatırladaq ki, ötən gün bu barədə yayılan xəbərlər bu gün daha da inkişaf etdirilib. Qeyd olunur ki, Türkiyə Suriyanın şimalında, Kobanidən şərqə doğru 160 km uzunluğu və 35 km enində təhlükəsiz zona yaratmaq razılaşmasını gerçəkləşdirmək və xüsusi təyinatlılarını Suriyaya yerləşdirmək niyyətindədir.
Tarix
2014.12.03 / 23:20
|
Müəllif
Pərviz Həsənov
|