Türkiyədə bir müddət öncə iki ABŞ əsgərinin başına torba keçirən şəxslər üçün 1 il 8 aydan 10 il 6 ayadək həbs cəzası tələb olunub.

Axar.az-ın məlumatına görə, nəzarətə alınaraq sərbəst buraxılan Türkiyə Gənclik Birliyinin (TGB) 13 üzvü "yığıncaq və nümayiş keçirmə qaydalarını pozma", "şəxsi əmlaka zərər vermə", "şəxsiyyəti alçatma və təhqir etmə", "qəsdən sağlamlığa ziyan vurma" maddələri ilə təqsirləndirilir.

Hazırlanan 5 səhifəlik ittihamnamə İstanbul Baş Prokurorluğu təsdiq etdikdən sonra İstanbul Məhkəməsinə göndərilib. Məhkəmə 15 gün ərzində ittihamnaməni qəbul və ya rəd edilməsi ilə bağlı qərar verəcək.