Ukraynanın şərqində hökumət qüvvələrinə qarşı açıq müharibə elan edən separatçılar yüksək səviyyədə silahlandırılıb.

Axar.az xəbər verir ki, separatçılar ən son model snayper tüfənglərinin görüntüsünü yayıb. Sınaq atışı həyata keçirən separatçılar bununla da ordu qüvvələrinə qarşı döyüşmək üçün kifayət qədər hərbi sursata sahib olduqlarını bir daha göstərib.

Xatırladaq ki, bir neçə gün öncə Rusiyanın Donbas hövzəsinə "humanitar yardım" adı altında göndərdiyi yüklərin şəkilləri ortaya çıxmışdı. Şəkillərdə "humanitar yardım" adı ilə göndərilən yüklərin silah, hərbi təchizat və hərbi təyinatlı cihazlardan ibarət olduğu əks olunmuşdu.