Ana səhifə Planet |
Türkiyə Prezidenti Rəcəb Tayyib Ərdoğan AKP rəhbərliyi ilə görüşərək, 31 mart seçkilərindən sonra 81 mahalda qeydə alınan nəticələri müzakirə edib.
Axar.az xəbər verir ki, toplantıda partiyanın bəzi mahal və ilçə sədrləri ilə yollarının ayrılmasına qərar verilib.
Türkiyə Prezidenti Rəcəb Tayyib Ərdoğan seçki prosesində uğursuz olan, namizədlərlə münasibətləri pisləşən və xüsusilə partiyadaxili münaqişələrə səbəb olan təşkilat rəhbərləri ilə bağlı prosesə start verib. İzmirdə mahal sədrinin istefası ilə başlayan proses ötən gün seçkidə MHP-nin qalib gəldiyi Çankırı və Qaramanla davam edib. Ankara və İstanbul mahal təşkilatları ilə bağlı qərarı da şəxsən Ərdoğanın verəcəyi bildirilib.
Ərdoğan həmçinin toplantıda müzakirə olunan seçkilərlə bağlı hazırlanmış hesabatda adı çəkilən bəzi mahal sədrlərinin vəzifədən kənarlaşdırılmasına etiraz edib. Prezident seçki prosesində baş verən nöqsanlarla bağlı bütün məsuliyyətin yerli təşkilatlarda görülməsini də düzgün hesab etməyib və bəzi namizədlərlə bağlı problemlərin olduğunu söyləyib.
“Bəzi yerlərdə namizədlərlə bağlı çətinliklərimiz, səhvlərimiz oldu”, - Ərdoğan bildirib.
Tarix
2019.04.19 / 11:06
|
Müəllif
Orxan Tağıyev
|