9 may Qələbə Günü münasibətilə Qırmızı meydanda keçiriləcək paradda iştirak edəcək hərbi texnika Moskvaya köçürülür.

Axar.az xəbər verir ki, bu barədə Rusiya Müdafiə Nazirliyinin İnformasiya Departamentindən bildirilib.

Məlumata görə, Moskva yaxınlığındakı Alabino meydanından yola çıxan 100 ədəd döyüş texnikası paytaxta qədər 60 kilometrlik marş həyata keçirəcək. Hərbi texnika Moskvanın Nijni Mnevniki küçəsində hazırlanmış müvəqqəti meydanda yerləşdiriləcək.

Bundan əlavə, 70 ədəd hərbi texnika əvvəlcə dəmiryolu vasitəsilə “Presnya” stansiyasına gətiriləcək, daha sonra isə müvəqqəti meydana göndəriləcək.

Qeyd edək ki, hərbi paradın ilk məşqi aprelin 29-da keçiriləcək.