Pankisi dərəsində baş verən hadisələrin əsas səbəbi İvanişvilinin acgözlüyüdür.

Axar.az xəbər verir ki, bunu Rustavi-2-yə açıqlamasında Gürcüstanın eks-prezidenti Mixail Saakaşvili deyib. O, etirazların başlamasının digər səbəbininin Rusiyanın maraqlarıyla bağlı olduğunu deyib.

Saakaşvili Pankisi dərəsinin əhalisinin öz sakitliklərini qoruyub saxlaması gərəkdiyini bildirib.

Qeyd edək ki, dünən Pankisi dərəsində yerli əhali ilə (burada əsasən çeçenlər məskunlaşıb) polis arasında böyük toqquşma yaşanıb. Buna səbəb yerli əhalinin “Xadori” su elektrik stansiyasının tikintisinə etiraz etmələri olub. Toqquşma nəticəsində 40 nəfər yaralanıb.