Alimlərdən ibarət beynəlxalq qrup Qrenlandiyadakı buzların ərimə sürətini hesablayıb və bunu 1972-ci ildən bəri itkilərə nəzər yetirməklə qiymətləndirib. Son onilliklərdə qlobal iqlim dəyişikliyinə görə buzlaqların əriməsi çox sürətlənib.

Axar.az Bizimyol.info-ya istinadən xəbər verir ki, tədqiqatçılara araşdırmaq üçün "Landsat” peykindən çəkilən fotolar kömək edib. Buzlaqların hündürlüyü, ağırlıq qüvvəsi, kütlə balansı haqqında informasiyalar əldə olunub. Məlum olub ki, 70-ci illərdə Qrenlandiyada ildə 47 giqaton buz əriyirdisə, 2000-ci illərdən sonra miqdar xeyli artıb. Bu rəqəm 187 giqatona çatıb.

İndi orada buzlar 50 il əvvəlki ilə müqayisədə 6 dəfə sürətlə əriyir. Qrenlandiya buzlarının əriməsinə görə dəniz səviyyəsi 13,7 millimetr yüksəlib.