ABŞ-ın bir çox bölgəsində məhkəmənin qara dərili gəncin ölümü ilə bağlı qərarına qarşı etirazların davam etdiyi bir vaxtda Arizona ştatında bir qara dərili vətəndaşın da öldürüldüyü bildirilir.

Avropa.info-nun xarici mətbuata istinadən yaydığı xəbərdə Arizonanın Finiks şəhərində 34 yaşlı qara dərili Rumain Brisbonun polis tərəfindən öldürüldüyü bildirilir.

Polisdən mətbuata verilən açıqlamada Brisbonun musiqiyə yüksək səs verərək şəxsi avtomobilini idarə etməsi səbəbi ilə polisin avtomobili saxladığı bildirilir. Daha sonra isə polisin əllərini qaldırmasını istədiyi halda Brisbon əlini cibinə aparıb. Bundan sonra o polis tərəfindən iki dəfə atəş açılmaqla öldürülüb.

Polis tərəfindən aparılan araşdırma zamanı Brisbonun silahsız olduğu məlum olub.