Bun gün Moskvada Vnukovo Hava Limanında Fransa Prezidenti Fransua Ollandla Rusiya Prezidenti Vladimir Putin arasında görüş keçirilib.

Axar.az xəbər verir ki, iki lider arasında gözlənilən "Mistral" hərbi gəmiləri ilə bağlı yaranan böhranın müzakirəsi böyük maraq doğrurdu.

Putin Ollandla görüş sonrası "Mistral"la bağlı jurnalistlərə bunları deyib:

"Mən ona "Mistral"la bağlı sual vermədim, o da bu barədə danışmadı. Ancaq ümid edirəm ki, müqavilə yerinə yetiriləcək, əks təqdirdə verilən pullar geri qaytarılmalıdır".

Qeyd edək ki, dünən Fransanın Müdafiə naziri Jan-İv Le Drian Rusiyanın sifariş etdiyi "Mistral" döyüş gəmilərinin təhvil veriləcəyini açıqlamışdı.

Olland Putinlə görüşdən dərhal sonra Fransaya qayıdıb.