Bolqarıstan "Cənub axını" layihəsinin bitməsinə görə 3 milyard avro investisiya itirir.

Axar.az xəbər verir ki, bu açıqlama ilə "Qazprom"un rəhbəri Aleksey Miller çıxış edib.

O, bununla da ölkədə 6 min nəfərlik iş yerinin yaranmasının qarşısının alındığını bildirib:

"Əgər Bolqarıstandan danışsaq, bəlli olar ki, bu ölkədə situasiya o qədər də sadə deyil. Bolqarıstan trazit ölkə statusunu itirir. Hazırda bu ölkədən Türkiyə, Makedoniya və Yunanıstan istiqamətində 18 milyard kub metr qaz tranzit olunur. Qara dənizdən keçəcək kəmər reallaşandan sonra bütün bu sadaladıqlarımız Türkiyədən keçəcək. İndi xeyiri Türkiyə götürür. Biz isə özümüzə qaz biznesində yeni strateji partnyor tapmışıq".