Ərəb dövlətləri Fars körfəzində ABŞ hərbi qüvvələrinin sayının azaldılması ucbatından ciddi təhlükəsizlik problemləri ilə qarşı-qarşıya qala bilərlər.

Axar.az xəbər verir ki, bu açıqlama ilə İran Milli Təhlükəsizlik Şurasının Beynəlxalq Məsələlər üzrə keçmiş rəhbəri Hüseyn Musaveyn çıxış edib.

O, yaxın 10 ildə ABŞ qüvvələrinin regionda xeyli miqdarda azalacağını deyib. Musaveyn ərəb dövlətlərinin onların təhlükəsizliyi üçün yaranmış problemlərlə mübarizə aparmasının çətinləşəcəyini bildirib. Ekspert bu addımın Amerikanın maraqları çərçivəsində olduğunu və ərəb neftinin Asiyaya ötürülməsi ucbatından atıldığını söyləyib.