"Ağ Evin Rusiyaya qarşı sanksiyalarının hakimiyyət dəyişikliyinə gətirib çıxaracağını gözləmirəm".

Axar.az İnterfaks agentliyinə istinadən xəbər verir ki, bu sözləri ABŞ-ın Moskva səfirinin mətbuat katibi Uilyam Stivens bildirib.

Stivens hesab edir ki, ABŞ, Avropa Birliyi və digər ölkələr tərəfindən Rusiyaya qarşı sanksiyalar Kremlin aqressiv hərəkətlərinin nəticəsidir. Diplomat ABŞ-ın Rusiyada hakimiyyətdə dəyişikliklər etmək niyyətinin olmadığını da vurğulayıb.

Stivens Rusiyanın bütün şərtləri yerinə yetirəcəyi halda sanksiyaların ləğv ediləcəyini deyib.

Qeyd edək ki, Rusiya XİN dekabrın 8-də sanksiyalarla bağlı açıqlamasında ABŞ-ın Rusiyada hakimiyyət dəyişikliyi etməyə hazırlaşdığını bildirmişdi.